நடவுப்பாடல்
 |
வேலமரப் பாதையிலே - வேலையா
வேலையில கண்ணிருக்கு - சுப்பையா
வேலியோரம் போகுதுபார் - வேலையா
வேட்டித்துணி போட்டிருக்கோ - சுப்பையா
சித்தாடை கட்டிருக்கு - வேலையா
சின்னக்குட்டி போலிருக்கு - சுப்பையா
கண்ணாடி தோற்குமடா - வேலையா
கண்ணைப் பறிக்குதோடா - சுப்பையா
கொண்டையில பூவிருக்கு - வேலையா
கொளச்சுமுடி போட்டிருப்பா - சுப்பையா
காத்தேனவே பறந்துவாரா - வேலையா
கஞ்சிகொண்டு வாராளோடா - சுப்பையா
கதிரரிவாள் இருக்குதடா - வேலையா
கதிரறுக்கும் காலமல்ல - சுப்பையா
ஆட்டுத்தழை அறுப்பாளாட - வேலையா
அண்டையில வந்துட்டாளோ - சுப்பையா
அன்னம் போல முன்னேவார - வேலையா
அவள் என் அத்தைமவ ரத்தினமட - சுப்பையா
அவள் உரிமையுள்ள புருசனும் நீ - வேலையா
அடுத்த மாசம் பரிசம் வைப்பேன் - சுப்பையா
இப்படிக்கு:-
அ. அசார்தீன் (எம். ஏ., எம்ஃபில்)
தமிழ்த்துறை உயராய்வு மையம்
பழனி - 624601
No comments:
Post a Comment